Semana Santa

É a conmemoración anual cristiá da Paixón, Morte e Resurrección de Jesús de Nazaret. Por iso, é un período de intensa actividade litúrxica dentro das diversas confesións cristiás. Dá comezo co Domingo de Ramos e finaliza o Domingo de Resurrección, aínda que a súa celebración adoita iniciarse en varios lugares o venres anterior (Venres de Dores). A data da celebración é variable (entre marzo e abril segundo o ano) xa que depende do calendario lunar. A Semana Santa vai precedida pola Coresma, que finaliza na Semana de Paixón onde se celebra a eucaristía no Xoves Santo, conmemórase a Crucifixión de Jesús o Venres Santo e a Resurrección na Vixilia Pascual durante a noite do Sábado Santo ao Domingo de Resurrección. Durante a Semana Santa teñen lugar numerosas mostras de relixiosidade popular ao longo de todo o mundo, destacando as procesións e as representacións da Paixón.